Rastësi... fat... intuitë... apo thjesht në momentin e duhur, në kohën e duhur, në vendin e duhur...!

E dashur ''Unë'' dhe i dashur ''Ti'' ...!!!
Hmmm... do vendosur kjo punë?!
Çfarë emri t'i vëmë?
Do ta quajmë diçka, apo jo?

Si thua për...

Rastësi? - Jo, nuk besoj.

Fat? - Jo, unë nuk besoj në fat.
Intuitë? - Jo, ti nuk beson tek intuita ime.

apo thjesht:

Ishte... është... të jesh... në momentin e duhur, në kohën e duhur, në vendin e duhur...!

Jeta është treguar gjithmonë e dashur dhe bujare me mua, në momente të ndryshme ka vendosur në rrugën time njerëz me zemër të madhe dhe me një dashuri të madhe për optimizmin dhe pozitiven.
Njerëz që më kanë frymëzuar çdo moment dhe më kanë falur përditë nga një grimcëz buzëqeshje.
Njerez që më kanë mbushur me mendime kaq pozitive...
Njerëz të gatshëm të më bëjnë surpriza atëherë kur unë nuk i pres, ose kur harroj që ka diçka për të kujtuar... po, po harroj dhe fytyra ime e turpëruar apo e gëzuar, nuk arrij ta percaktoj më, se cilën pamje merr. :P
Njerëz që i kam përherë në krahë dhe në zemër, në cdo moment, me mendimet e tyre, me fjalët dhe sidomos me veprat, me detajet e tyre të përsosura...
Njerëz që jam e lumtur që i kam njohur, se më kanë mbushur dhe mbushin çdo ditë të jetës sime me buzeqëshje, ëmbëlsi dhe mirësi …


E dashur ''Unë''... e more vendimin tënd... si e quajte : ''Miqësi shpirtërore, të fortë, të çeliktë... përgjithmonë...!''
I dashur ''Ti''... e more vendimin tënd??
Shttttttttttttt mos fol... u vendos ...''Unë kam të drejtë...!''


© Erjola Kola (8 mars 2011)